Kveikið á ofninum og stillið á 200ºC. Marinerið laxinn í Blue Dragon teriyaki marineringu í 5 mín. Penslið 1 msk hunangi yfir laxinn og rífið hvítlauk yfir. Skerið grænmetið niður og setjið ofan í mótið með laxinum og marineringunni, veltið öllu svolítið saman. Setjið inn í ofn og bakið í u.þ.b. 25 mín eða þar til laxinn er bakaður í gegn.

Setjið hrísgrjónin í pott ásamt kókosmjólkinni, vatni og smá salti. Sjóðið með lokinu á þar til hrísgrjónin eru tilbúin og vökvinn hefur gufað upp.

Ristið sesam fræ á heitri pönnu með því að setja þau á heita pönnuna í u.þ.b. 2-3 mín og hræra reglulega í. Dreifið yfir fiskinn þegar hann er tilbúinn.