Vegan shawarma skál

Setjið filet bitana í skál með olíu, shawarma kryddi og salti eftir smekk. Blandið vel saman og látið standa á meðan unnið er í öðru.

Setjið 160 ml af vatni í lítinn pott ásamt svolitlu salti og náið upp suðu. Bætið kínóa út í pottinn og lækkið hitann svo það kraumi rólega í vatninu. Látið malla undir loki í 25 mín, takið svo af hitanum og látið standa undir loki þar til sæta kartaflan er tilbúim.

Skerið sæta kartöflu í bita. Veltið upp úr olíu og salti og dreifið yfir ofnplötu með bökunarpappír. Bakið í ofni í 30 mín. eða þar til bitarnir eru farið að taka fallegan lit. Hrærið í þegar tíminn er hálfnaður.

Pískið saman síróp, límónusafa, sesamfræ og 1,5 msk af ólífuolíu. Skerið melónu í bita og rífið salatblöndu. Setjið saman í skál ásamt baunaspírum og dressið með límónudressingu.

Sneiðið rauðkál mjög þunnt (helst með mandolíni) og dresssið með smá ólífuolíu, sneiðið agúrkur og tómata. Myljið vegan fetaost.

Saxið steinselju. Blandið kínóa, sætkartöflubitum og steinselju saman í skál.

Hitið olíu á pönnu við meðalháan hita og steikið marineruðu filet bitana þar til þeir hafa tekið fallegan lit.

Skiptið öllu á milli skála og berið fram með Heinz Vegan Aioli.