Print Options:








Vegan kjúklingabaunabollur með chili snakki

Magn1 skammtur

Fljótlegur og hollur grænmetisréttur

Kjúklingabaunabollur
 1 dós kjúklingabaunir, ég notaði frá Rapunzel
 1 lítill laukur eða 1/2 venjulegur
 1 hvítlauksrif marið
 1 poki Lentils Eat real snakk með Chili & Lemon bragði
 1 tsk chipotle mauk, má sleppa og nota aðeins meira af tómatpúrru og smá chiliduft
 2 tsk paprikuduft
 3 rúmar msk tómatpúrra
 1 msk söxuð fersk steinselja
Vegan hvítlaukssósa
 1/2 dós Oatly smurostur
 1/2 dós Oatly sýrður rjómi
 1 hvítlauksrifið kramið
 1 tsk hlynsíróp
 smá salt & pipar
 1 tsk þurrkuð steinselja
Kjúklingabaunabollur
1

Sigtið vökvann frá baununum og setjið í matvinnsluvél og vinnið í gróft mjöl. Setjið í skál.

2

Setjið lauk, hvítlauk og krydd saman í matvinnsluvélina og vinnið þar til blandan er orðin nokkuð fíngerð. Setjið saman við kjúklingabaunirnar.

3

Setjð snakkið í matvinnsluvélina og myljið í rasp. Blandið saman við kjúklingabaunablönduna ásamt tómatpúrru og steinselju.

4

Mótið litlar bollur, það þarf að þjappa bollunum svolítið saman með lófunum.

5

Kælið bollurnar í 15 - 20 mín og steikið á miðlungshita þar til þær eru gylltar.

Vegan hvítlaukssósa
6

Öllu blandað saman í skál og látið standa aðeins