Toblerone súkkulaði mús fylltar vatnsdeigsbollur

    

mars 25, 2019

Toblerone músin er algjörlega himnesk í bollur.

Hráefni

Vatnsdeigsbollur

125 g smjör

1 msk sykur

275 ml vatn

170 g hveiti

1 tsk lyftiduft

½ tsk salt

4-5 egg

Toblerone súkkulaðimús

4 egg

¾ dl sykur

250 ml rjómi

340 g Toblerone súkkulaði

250 g rjómi

Leiðbeiningar

Bollur:

1Kveiktu á ofninum og stilltu á 180°C og blástur.

2Smjör, sykur og vatn er sett í pott og soðið saman í 2-3 mín. Slökktu svo undir pottinum.

3Hveiti, lyftiduft og salt er sett í skál, bættu því út í smjör-vatnið og hrærðu vel saman með sleif. Deigið á að vera þétt og lyftast upp frá brúnum pottsins. Láttu standa í 5 mín.

4Settu fjögur egg út í deigið, eitt og eitt í einu og hrærðu þau vel saman við deigið. Settu seinasta eggið í skál og hrærðu það saman, settu 1 msk af egginu í einu út í og hrærið vel á milli. Settu eins mikið af egginu út í deigð og hægt er, en fylgstu vel með eftirfarandi merkjum. Áferðin á að vera þannig að deigið lekur hægt og svolítið erfiðlega af sleifinni á nokkrum sekúndum. Deigið á að halda nokkurveginn sömu lögun eftir að þú setur það á plötuna en ekki leka út og verða flatt.

5Settu smjörpappír á ofnplötu og notaðu ísskeið eða 2 matskeiðar til að útbúa bollurnar. Hafðu gott pláss á milli bollanna því þær stækka mikið í ofninum, um það bil 12 bollur á hverja plötu.

6Bollurnar eru bakaðar í 20-25 mín en ekki opna ofninn fyrr en allavega 20 mín eru liðnar. Þá er hægt að taka eina út og meta hversu margar mínútur bollurnar eiga eftir, en þú sérð það þegar þú opnar bolluna og sérð hversu blaut hún er inní.

Súkkulaðimús:

1Setjið egg og sykur í skál og þeytið vel saman þar til létt og loftmikið, ca. 3 mín.

2Setjið rjóma í pott og hitið hann vel en ekki sjóða hann.

3Hellið rjómanum út í eggjablönduna í mjórri bunu á meðan hrærivélin er í gangi á lágri stillingu.

4Hellið blöndunni aftur í pottinn og hitið á meðal hita, passið að láta ekki sjóða, hrærið stanslaust í þar til blandan þykknar vel og verður gulari á litinn.

5Bræðið súkkulaðið yfir vatnsbaði og blandið því svo saman við eggjablönduna. Setjið inn í ísskáp og kælið í 1-2 klst.

6Þeytið rjóma, setjið súkkulaði eggjablönduna út í rjómann, hrærið saman með k-inu eða með sleikju.

7Setjið stórann opinn stjörnustút í sprautupoka, fyllið sprautupokann af súkkulaðimús, skerið bollurnar í tvennt og sprautið súkkulaðimús eftir smekk, setjið lokið á, skerið toblerone í grófa bita og stingið í músina, sigtið flórsykri yfir.

Uppskrift frá Lindu Ben.

00:00

Aðrar spennandi uppskriftir

Dúnamjúk hafrakaka með grillaðri kókoskaramellu

Það er eitthvað við hafra í bakstri, mér einfaldlega finnst þeir gera allt betra. Þessi kaka er hreinlega ein þeirra sem fólk kolfellur fyrir.

Vegan brownies með kókossúkkulaði

Kjúklingabauna brownies. Hljómar kannski ekki spennandi en það er bara ekki snefill af baunabragði. Heldur bara mjúkar, bragðgóðar kökur sem engum dettur í hug að innihaldi eitthvað annað en þetta hefðbundna eins og hveiti og hvítan sykur.

Kryddbrauð – lífrænt og vegan

Virkilega einföld auk þess að vera vegan. Þetta brauð nær sjaldnast að kólna áður en það klárast og er orðið einhversskonar hornsteinn þess sem til er í eldhúsinu.