Fiskur, smælki, smjörsteiktur aspas og köld Tabasco sósa, namm!
Skolið og þerrið fiskinn. Smyrjið eldfast mót og raðið þorskhnökkunum í mótið (ég skar hvert flak niður í 2 bita). Kryddið vel með salti og pipar.
Blandið raspi, parmesan, smjöri, Tabasco, steinselju, hvítlauk og sítrónusafa saman í skál. Best er að hnoða saman í höndunum og krydda til með salti, pipar og hvítlauksdufti. Ég notaði um 1 tsk. af hvítlauksdufti og salti og eins og ½ tsk. af pipar.
Setjið vel af parmesanblöndu yfir hvert fiskstykki.
Bakið við 200°C í 12-15 mínútur (eftir þykkt fiskbitanna).
Hitið ofninn í 200°C.
Skerið kartöflurnar til helminga og veltið upp úr 2-3 msk. af ólífuolíu.
Kryddið með um 1.tsk af salti og hvítlauksdufti og um ½ tsk. af pipar.
Bakið í um 30 mínútur eða þar til kartöflurnar mýkjast.
Smjörsteikur aspas
Bræðið smjörið við meðalháan hita og veltið aspasnum upp úr því og snúið reglulega.
Kryddið eftir smekk og leyfið að malla þar til aspasinn mýkist.
Þá er gott að byrja á því að útbúa hjúpinn á fiskinn og leggja til hliðar á meðan þið undirbúið kartöflurnar og setjið þær í ofninn.
Þegar kartöflurnar eru komnar í ofninn passar vel að útbúa köldu sósuna, setja hjúpinn á fiskinn og koma aspasnum í eldun.
Þegar kartöflurnar hafa verið í ofninum í um 15 mínútur má bæta fisknum við og baka hvorutveggja áfram í um 15 mínútur.
Á meðan mallar aspasinn og gott er að leggja á borðið og ganga frá því sem notað var við eldamennskuna.