Einfaldasti réttur í heimi og með þeim betri. Tequila færir risarækjurnar á annað plan og hvítlaukurinn og kóríander gera gott enn betra!
Bræðið smjör á pönnu og bætið hvítlauk saman við þar til gylltur á lit.
Setjið risarækjurnar saman við og steikið í 2-3 mínútur.
Hellið tequila saman við og kryddið með kóríander, salti og pipar. Einnig er gott að bæta við chilíflögum. Látið sjóða í 2 mínútur.
Setjið á disk og berið fram með fersku kóríander, salti og pipar.