Sweet chilli laxaspjót með vorlauk og sesamfræjum

Skerið laxinn í hæfilega stóra bita. Setjið í skál og saltið og piprið.

Hellið sweet chilli sósunni út á fiskinn og veltið upp úr sósunni.

Skerið 3-4 stöngla af vorlauk í bita.

Þræðið upp á grillpinna, fyrst lax, svo vorlauk. Miðið við um 4 laxabita á hvern pinna.

Grillið spjótin í 2-3 mínútur á hvorri hlið.

Setjið spjótin á disk og dreypið smá sesamolíu þar yfir og síðan sesamfræjum, vorlauk og söxuðu kóríander.

Berið fram með sweet chilli sósu og límónubátum.