Súkkulaðikaka með bökuðum eplum og Dumle kremi

  

mars 5, 2021

Þétt og góð súkkulaðikaka pöruð saman með bökuðum eplum í fyllingunni og til að toppa allt dásamlegt Dumle smjörkrem, ég lofa að þessi klikkar ekki!

Hráefni

Súkkulaðikaka

250 g hveiti

400 g sykur

80 g Cadbury kakó

2 tsk matarsódi

½ tsk lyftiduft

1 tsk salt

250 ml mjólk

120 ml olía

2 egg

2 tsk vanilludropar

200 ml sjóðandi heitt vatn

Eplafylling

2 epli

1 msk sítrónusafi

2 msk púðursykur

1 tsk kanill

smá salt

smá múskat (má sleppa)

50 ml vatn

Dumle smjörkrem

200 g Dumle súkkulaðiplötur

50 ml rjómi

300 g smjör

500 g flórsykur

3 msk rjómi

Leiðbeiningar

Súkkulaðikaka

1Stillið ofn á 175°c, blástur.

2Vigtið þurrefnin og setjið saman í hrærivélar skál.

3Mælið síðan blautu hráefnin saman í skál eða könnu, allt fyrir utan sjóðandi heita vatnið.

4Hrærið létt í því, setjið síðan hrærivélina af stað á lágri stillingu og hellið blautu hráefnunum varlega saman við þau þurru.

5Leyfið þessu að hrærast vel saman og hellið síðan vatninu saman við rólega í lokin.

6Takið til þrjú 15 cm form eða tvö 20 cm form og spreyið að innan með PAM spreyi eða nuddið að innan með smjöri, deilið síðan deiginu jafnt á milli formanna.

7Setjið inn í ofn og bakið í 30-35 mín eða þangað til að prjónn kemur hreinn úr miðju kökunnar.

8Takið út úr ofninum og leyfið að kólna alveg.

Eplafylling

1Takið hýðið utan af eplinu og skerið í litla bita. Setjið eplin ásamt hinum hráefnunum í pott og sjóðið yfir miðlungshita í 5-10 mín.

2Eplin eiga ekki að vera mauksoðin heldur hafa ennþá smá bit í sér.

3Leggið til hliðar og leyfið að kólna.

Dumle smjörkrem

1Byrjið á því að brjóta súkkulaðið niður og setið skál ásamt rjómanum. Bræðið súkkulaðið yfir vatnsbaði á meðalhita, þ.e. vatn sett í pott og skálin yfir pottinn.

2Leggið síðan blönduna til hliðar, til að leyfa henni að kólna.

3Setjið smjör í hrærivél og leyfið að þeytast í 2-3 mín, bætið síðan flórsykrinum rólega saman við ásamt rjómanum.

4Haldið áfram að þeyta vel og bætið síðan súkkulaðinu saman við og kremið þeytt í nokkrar mín. í viðbót.

5Áður en kremið er sett á er gott að fara með sleikju meðfram skálinni og passa að allt sé vel blandað saman og renna í gegnum kremið með sleikjunni, til að losa loftið úr kreminu sem gefur því fallegri áferð þegar það er sett á kökuna.

Samsetning

1Gott er að baka kökurnar daginn áður en þær eru samsettar og skreyttar, það er heldur ekkert síðra að baka kökurnar tímalega vefja þær í plast og setja í frysti þangað til þær eru notaðar.

2Setjið fyrsta botninn á disk og svona u.þ.b dl af kremi ofan á botninn, dreifið vel úr kreminu og setjið yfir það helming af eplafyllingunni, passið að setja fyllinguna ekki of nálægt brúnum. Þá er næsti botn settur ofan á ferlið endurtekið. Þriðji botninn er settur ofan á og restin af kreminu sett á kökuna og dreift vel úr kreminu.

3Til að fá slétta áferð á kremið er gott að fara þunna umferð og skrapa vel af kökunni og setja í kæli í stutta stund. Kakan er svo tekin út og önnur umferð af kremi sett á hana, slétt vel úr kreminu og kakan skreytt eftir eigin löngun. Að þessu sinni skreytti ég kökuna með ferskum jarðaberjum og þunnt skornum eplum.

Uppskrift frá Döðlur og Smjör

00:00

Aðrar spennandi uppskriftir

Kirsuberja bollakökur

Einfaldar og léttar kirsuberja bollakökur með Pascual jógúrti

Hindberjakókoskaka

Hindberjadraumur með kókostopp.

Bláberja bollakökur

Gómsætar bláberja bollakökur með smjörkremi.