Hér gefur að líta á dásamlegar súkkulaðifylltar donuts bollur sem henta vel fyrir þau eru ekki mikið fyrir sultu né rjóma.
Byrjið á að setja hveiti og salt í skál
Búið svo til holu í miðjunni á hveitinu
Setjið í holuna, mjólkina, vatnið, sykurinn og gerið
Hrærið því svo vel saman í holunni, en ekki láta hveitið blandast við vökvann
Bætið næst vanillunni og egginu út í vökvann í holunni. Best er að vera búin að hræra eggið upp fyrst.Hrærið aftur vel saman vökvanum án þess að blandist við hveitið
Þegar allur vökvinn er vel hrærður saman má hræra öllu saman við hveitið með sleif þar til þið getið ekki hrært lengur
Takið þá mjúkt smjörið og bætið við deigið og byrjið að hnoða annað hvort í höndunum eða í hrærivél með króknu. Ef deigið er klístrað setjið þá oggu pínupons hveiti...bara pínu pons og hnoðið áfram
Mótið fallega glansandi kúlu úr deiginu og látið í skál með stykki yfir. Mér finnst best að setja degið til hefingar á hlýjan stað, eins og í gluggakistu með miðstöðvarofn undir, eða á gólfið ef þið eruð með gólfhita.
Látið hefast í 1 klst (mega líka vera 2 klst ef þið viljið skreppa út á meðan eða lengur)
Setjið ögn af hveiti á bretti eða borð og leggið fallegu deigkúluna varlega ofan á og fletjið deigið varlega út með kökukefli, þar til það er orðið að 1-2 cm þykkum ferning
Þá má byrja að skera út hringi með litlum hringskera eða glasi. Leggið stykki yfir hringina og leyfið þeim að hefast í 20 mínútur
Hitið 1 líter af olíu á djúpri pönnu eða potti og steikið svo 6-7 hringi í einu þar til verða gyllinbrúnir og snúið svo við og steikið á hinni hliðinni
Leggið þá svo á eldhúspappír þegar þeir koma úr olíunni til að aukaolían fari í pappann en ekki inn í Kleinuhringinn
Tæmið Nusica krukkuna ofan í skál og hellið rjóma 1/2-1 dl út á og þeytið eða hrærið saman þar til það er orðið nógu mjúkt til að sprauta úr spautupoka
Stingið næst röri í endann gegnum miðja bolluna og setjið Nusica smjörið í sprautupoka og sprautið inn í gatið á bollunni sitthvorumegin
Sáldrið að lokum flórsykri yfir bollurnar og berið fram