Stökkur kjúklingaborgari

Setjið kjúklinginn í skál. Bætið súrmjólk, salti, pipar og hvítlaukssalti saman við. Blandið öllu vel saman og leyfið að marinerast í að minnsta kosti klukkustund.

Setjið steikingarolíu í pott eða í djúpa pönnu og hitið vel.

Blandið saman í skál hveiti, salti, pipar, hvítlaukssalti, timían, papriku, lyftidufti og chilíflögum.

Takið kjúklinginn úr marineringunni og veltið upp úr hveitblöndunni.

Steikið í olíunni þar til kjúklingurinn er fulleldaður. Steikið aðeins nokkra bita í einu.

Hitið hamborgarabrauðin og raðið saman. Setjið kál og lauk, þá kjúklinginn og síðan hrásalatið.

Gerið hrásalatið. Skerið kálið og gulrætur í smáa strimla og bætið hinum hráefnunum saman. Geymið í ísskáp.