Rjómalagað basil pestó pasta með risarækjum uppskrift • Gerum daginn girnilegan

Rjómalagað basil pestó pasta með risarækjum

  

maí 13, 2020

Rjómalagað basil pestó pasta með risarækjum er einfaldur réttur sem tekur aðeins 20 mín að útbúa.

Hráefni

300 g Penne pasta frá De Cecco

1 msk Filippo Berio ólífu olía

2 hvítlauksgeirar

1 krukka grænt pesto fragrance Filippo Berio

3 dl rjómi

400 g risarækjur

180 g piccolo tómatar

Þurrkað chillí krydd

Salt og pipar eftir smekk

Ferskt basil

Parmesan ostur

Leiðbeiningar

1Sjóðið pastað samkvæmt leiðbeiningum á umbúðum

2Setjið ólífu olíu á pönnu og pressið hvítlauksgeirana út á, setjið pestóið á pönnuna ásamt rjómanum. Hrærið saman, bætið út á chillí og náið upp suðunni.

3Setjið rækjurnar út á pönnuna og eldið þær í gegn. Setjið tómatana út á pönnuna. Lækkið undir á meðan pastað er að eldast.

4Þegar pastað er tilbúið, setjið það út á pönnuna og hrærið öllu saman. Smakkið til með salti og pipar.

5Berið fram með ferskri basil og parmesan osti.

Uppskrift frá Lindu Ben

00:00