Hitið vatn í potti og fáið upp suðu, bætið 2 msk ólífuolíu ásamt 1 tsk salti. Bætið emmer skrúfum saman við og sjóðið í 8 mínútur, sigtið.

Hitið pönnu og skerið kjúklinginn í smáa bita, (má líka nota eldaðan ef þið eigið afgang).

Bætið ólífuolíu á pönnuna og steikið kjúklinginn í um það bil 6 mínútur en það fer alveg eftir stærð á bitum (passa að elda kjúklinginn í gegn), kryddið með salti og paprikukryddi. Bætið svo pressuðum hvítlauk út á pönnuna.

Skerið grænmetið smátt og bætið á pönnuna og steikið í nokkar mínútur.

Bætið sítrónuolíu út á í lokin ásamt salti eftir smekk.