Hér kemur bragðgóð og einföld uppskrift að quesadillas. Ég elska quesadillas og er það oft á boðstólum heima hjá mér. Hér fylli ég þær með tígrisrækjum, Philadelphia rjómaosti, kokteiltómötum og blaðlauk. Toppa þær svo með majónesi, Tabasco Sriracha sósu og avókadó. Mjög bragðgóður og einfaldur réttur sem klikkar ekki.
Veltið rækjunum upp úr grillolíunni og kryddið með salti, pipar og chili dufti.
Steikið rækjurnar upp úr ólífuolíu þar til þær eru orðnar bleikar og steiktar í gegn, það tekur 2-3 mínútur.
Smyrjið tortillurnar með rjómaosti og dreifið blaðlauki, tómötum og tígrisrækjum yfir helminginn.
Lokið tortillunum og penslið með ólífuolíu. Bakið í ofni í 5-7 mínútur við 190°C.
Stappið avókadó og blandið saman við safa úr límónu, salti og pipar.
Skerið quesadillas í sneiðar og berið fram með majónesi, sriracha sósu og fersku kóríander eftir smekk.
Fyrir hvað marga, hvað mörg stykki 2