Hér voru pizzasnúðar útfærðir úr uppskrift af pizzadeigi. Útkoman var alveg dásamleg og nokkuð er ljóst að þessir snúðar verða bakaðir á þessu heimili reglulega í framtíðinni. Þeir voru mjúkir og ljúffengir og kláruðust ansi hratt.
Uppskrift dugar í um 20-24 snúða
Setjið þurrefnin í hrærivélarskál og festið krókinn á (þetta deig má einnig hnoða saman í höndunum en þá þarf að gera stóra holu í þurrefnahrúguna og blanda vatni og olíu saman við í nokkrum skömmtum).
Blandið þurrefnunum saman og hellið vatni og ólífuolíu saman við og hnoðið í nokkrar mínútur.
Penslið stóra skál með matarolíu, veltið deigkúlunni upp úr olíunni, plastið skálina og leyfið að hefast í um 1 klukkustund.
Fletjið deigið næst út í um 40 x 50 cm rétthyrning og takið til álegg og sósu.
Hitið ofninn í 200°C.
Fletjið deigið út (c.a 30 x 40 cm).
Smyrjið pizzasósu yfir deigið.
Skerið skinku og pepperoni smátt niður og dreifið jafnt yfir deigið ásamt ostinum.
Stráið smá oregano kryddi yfir allt, rúllið upp og skerið niður í um 20-24 snúða.
Raðið á bökunarpappír á bökunarplötu og bakið í um 18-20 mínútur eða þar til snúðarnir fara að gyllast.