Piparmyntubrúnkur

  ,

júní 3, 2019

Það er eitthvað svo dásamlegt við piparmyntubragð og í bland við súkkulaði gerast einhverjir töfrar fyrir bragðlaukana.

Hráefni

Kaka

225 g smjör við stofuhita

300 g sykur

100 g púðursykur

4 egg

2 tsk vanilludropar

180 g hveiti

80 g Cadbury bökunarkakó

1 tsk lyftiduft

1 pk (20 stk) Fazermint molar

Krem og skraut

110 g smjör við stofuhita

40 g Cadbury bökunarkakó

230 g flórsykur

2 tsk vanilludropar

3 msk mjólk

Fazermint molar og fersk mynta til skrauts

Leiðbeiningar

Kaka

1Hitið ofninn 175°C

2Þeytið smjör og báðar tegundir af sykri þar til létt og ljóst.

3Bætið eggjunum saman við, einu í einu og skafið og þeytið vel á milli og setjið þá vanilludropana saman við blönduna og hrærið.

4Blandið þurrefnunum sem eftir standa saman í skál og því næst saman við smjörblönduna.

5Saxið Fazermint molana gróft og vefjið þeim saman við deigið.

6Hellið í vel smurt form sem er um 20 x 30 cm á stærð og bakið í um 35 mínútur.

7Kælið vel og útbúið því næst kremið.

Krem og skraut

1Setjið öll hráefnin saman í skál fyrir utan Fazermint mola og myntu.

2Hrærið rólega þar til allt er blandað og þeytið þá þar til létt og ljóst krem hefur myndast.

3Smyrjið yfir kalda kökuna, skerið í bita og skreytið með Fazermint molum og ferskri myntu.

00:00

Aðrar spennandi uppskriftir

Toblerone Flórentínur

Toblerone smákökur með möndlum og appelsínum.

Daim eplakaka

Heit eplabaka með Daim karamellu og ís.

Karamellukonfekt

Hátíðlegt karamellukonfekt sem allir geta gert.