Einfaldur kjúklingaréttur með dásamlegri rjómaostapestó sósu
Hitið ofninn í 180 gráður.
Afhýðið sætar kartöflur og rauðlauk, skerið sætu kartöflurnar smátt og rauðlaukinn í strimla.
Hellið ólífuolíunni í eldfast mót ásamt grænmetinu og kryddið með salti og pipar.
Kryddið kjúklingabringurnar með salt og pipar og leggið ofan á grænmetið.
Eldið við 180 gráður í ca 40-50 min (þar til að bringurnar eru fulleldaðar)
Hrærið saman í potti rjómaostinum, pestó og smá rjóma
Leyfið þessu að malla við vægan hita,
Þið stjórnið þykktinni á sósunni með rjómanum, kryddið eftir smekk. (Fyrir meira bragð er hægt að bæta við örlítið af kimchi eða sriracha sósu)
Gott að bera fram með hrísgrjónum og fersku salati