Hér er á ferðinni algjört dúndur, pavlova með fílakaramellusósu. Þið bara verðið að leika þessa eftir!
Hitið ofninn í 120°C.
Þeytið eggjahvítur þar til þær fara að freyða.
Blandið báðum tegundum af sykri saman í skál og setjið saman við eggjahvíturnar í litlum skömmtum.
Þeytið þar til topparnir halda sér vel, lækkið þá hraðann og bætið maizenamjöli, hvítvínsediki og salti saman við og blandið stutta stund.
Teiknið hring á bökunarpappír (á bökunarplötu) sem er um 23-35 cm í þvermál, hellið blöndunni þar á miðjuna og reynið að móta nokkurs konar grunna skál.
Það er gott að ýta fyrst upp úr miðjunni grunna holu til hliðanna og fara síðan með spaða að utanverðu allan hringinn og draga í sveig upp og ofan í holuna.
Bakið í 110 mínútur og leyfið síðan að kólna með ofninum áður en þið fyllið og skreytið.
Hitað saman í potti þar til karamellur hafa bráðnað og hitanum aðeins leyft að rjúka út.
Dreifið um ¾ af karamellusósunni yfir marengsbotninn þegar hann hefur kólnað og hellið síðan fyllingunni þar yfir.
Bræðið suðusúkkulaðið og leyfið hitanum aðeins að rjúka úr.
Þeytið á meðan eggjarauður og flórsykur þar til létt og ljóst.
Lækkið hraðann á hrærivélinni og blandið súkkulaðinu saman við.
Að lokum má þeyta rjómann og vefja honum varlega saman við súkkulaðiblönduna.
Hellið súkkulaðiblöndunni í holuna á pavlovunni og aðeins upp á kantana og kælið á meðan rjómi og skraut er útbúið.
Smyrjið rjómanum lauslega yfir súkkulaðiblönduna, þá næst kemur restin af fílakaramellusósunni og að lokum má skreyta með ferskum jarðaberjunum.