Print Options:








Ofnbakaðar klessukartöflur með hvítlauks aioli og parmesan

Magn1 skammtur

Þessar kartöflur eru bara eitthvað annað góðar! Hvítlauks aioli-ið er gert úr ristaðri graskersfræolíu og það kemur eitthvað brjálæðislega gott umami bragð af því.

 1 kg af lífrænum nýuppteknum kartöflum, smælki t.d
 Lífræn ólífuolía, ég notaði frá Rapunzel
 Sjávarsalt
HVÍTLAUKS AIOLI MEÐ GRASKERSFRÆOLÍU
 1 lífrænt egg + 1 eggjarauða
 1/2 geiralaus hvítlaukur
 1 tsk sjávarsalt
 1/2 tsk lífrænn hrásykur, ég notaði cristallino frá Rapunzel
 2 tsk lífrænt eplaedik
 1/2 bolli Graskersfræolía frá Rapunzel
 Setjið allt í lítinn blandara eða skál og þeytið með töfrasprota. Setjið í krukku og geymið í kæli.
1

Sjóðið kartöflurnar þar til þær verða tilbúnar. Hitið ofn í 200°C blástur.

2

Setjið bökunarpappír á ofnplötu og eða olíu í eldfast mót og setjið kartöflurnar á. Kremið kartöflurnar með buffhamri eða álíka verkfæri. Penslið ólífuolíu yfir kartöflurnar og stráið sjávarsalti yfir. Bakið þar til kartöflurnar eru orðnar gylltar og krispí.

3

Berið fram með hvítlauks aiolí gerðu úr graskersfræolíu