Print Options:








Morgunverðarkaka með bláberjum, möndlum og kókos

Magn1 skammtur

Þessi kaka er algjört æði, hún er samt meira morgunverður en kaka en ég meina, hversu geggjað er að getað bara borðað köku í morgunmat? Það er auðveldlega hægt að skipta út hráefnum og aðlaga hana að eigin smekk. Minnka eða auka sykurmagn, setja aðrar hnetur í staðinn fyrir möndlurnar o.s.frv. Ég mæli líka með að baka hana á sunnudegi og græja í box fyrir vikuna, hún geymist vel í kæli en einnig er hægt að frysta hana. Skella henni þá aðeins í örbylgjuna og njóta!

 3 bollar grófir hafrar frá Rapunzel
 0,33 bolli sykur að eigin vali, hlynsíróp, hrásykur eða erythritol
 1 tsk kanill
 1 tsk lyftiduft
 salt á hnífsoddi
 0,25 bolli saxaðar möndlur með hýði, ég notaði frá Rapunzel
 2 stk stór lífræn egg
 2 msk bragðlaus kókosolía brædd
 1,50 bollar mjólk eftir smekk, ég notaði Oatly iKaffe
 1 tsk vanilludropar
 1,50 bollar fersk bláber frá Driscoll'seða frosin
 Gróft kókosmjöl eftir smekk
1

Hitið ofninn í 170°C blástur

2

Saxið möndlurnar. Blandið öllum þurrefnum saman í skál og hrærið í með sleif.

3

Setjið egg, mjólk, kókosolíu og vanilludropa saman við og hrærið þar til deigið verður nokkuð samfellt. Setjið bláber saman við og hrærið varlega saman með sleikju.

4

Smyrjið eldfast mót í minni kantinum, stráið kókosmjöli yfir og setjið deigið út í. Bakið í 35 mín.

5

Ég mæli líka með því að setja smá hlynsíróp yfir og njóta með grískri jógúrt eða þeyttum hafrarjóma.