Hitið ofninn í 180°C blástur og setjið bökunarpappír á bökunarplötu.
Setjið vegan smjör og sykur saman í skál og þeytið vel saman, bætið við vanilludropum og þeytið áfram. Setjið þurrefnin saman í skál og hrærið í. Setjið saman við smjörið og sykurinn og blandið aðeins saman við með sleikju. Bætið mjólkinni saman við, hrærið aðeins í með sleikjunni og blandið þá súkkulaðinu og möndlunum saman við.
Setjið deigið á borð og hnoðið saman þar til deigið er orðið nokkuð samfellt. Skiptið deiginu í tvennt og mótið 2 hleifa, hafið þá í frekar mjórri kantinum og setjið á bökunarplötuna. Hafið gott bil á milli þar sem þeir fletjast vel út. Setjið í miðjan ofninn og bakið í 30 mín.
Takið þá hleifana út og leyfið þeim að kólna alveg. Skerið hleifana þá á ská með beittum hníf og raðið á bökunarplötuna. Bakið við 180°C í 10-15 mín og snúið kökunum varlega við einu sinni á bökunartímanum.