Print Options:








Mjólkur og eggjalaus kókós ís með fylltu karamellusúkkulaði

Magn1 skammtur

Hér er dásamlega silkimjúkur og bragðgóður kókós ís sem er bæði eggja og mjólkurlaus sem allir ættu að geta notið.

 500 ml Oatly þeytirjómi
 1 krukka af So Vegan So Fine kókos smyrju
 1 dós kókosmjólk bara hvíta þykka lagið sem leggst ofan á en mér finnst Rapunzel kókósmjólkin langbest
 2 dl kókosmjöl eða kókosflögur
 ½ dl Rapunzel hlynsíróp
 nýkreistur safi úr 1/2 sítrónu
 ½ tsk vanilludropar
 klípa af grófu salti
 100 g karamellu fyllt rjómasúkkulaði eða gott súkkulaði að eigin vali
1

Byrjið á að þeyta Oatly rjómann þar til hann er orðinn vel þykkur og þéttur (best að nota þeytarann til verksins hér)

2

Bætið svo næst So Vegan So fine smyrjunni, hvíta þykka laginu ofan af kókósmjólkinni, hlynsírópinu, sítrónusafanum, vanilludropunum og saltinu út í rjómann. Skiptið út þeytaranum yfir í flata hrærarann eða svokallaða t stykkið og hrærið þar til allt er vel blandað saman

3

Skerið svo niður súkkulaði plötuna í smáa bita og bætið saman við ásamt kókósmjölinu og hrærið varlega saman með sleikju. Mjög varlega !!

4

Hellið í stórt mót sem rúmar c.a 2 lítra og setjið filmuplast eða lok yfir og frystið í lágmark 8 klst

5

Gott er að taka ísinn út og láta standa 15 mínútur áður en hann er borinn fram

6

Góður einn og sér eða með góðri íssósu að eigin vali