Print Options:








Mexíkósk kjúklingasúpa með rjómaosti og salsasósu

Magn1 skammtur

Þessi súpa yljar á köldum vetrarkvöldum.

 4 kjúklingabringur, t.d. Rose Poultry
 1 líter tómat passata (maukaðir tómatar)
 1 dós Hunt's tómatar, saxaðir
 1 laukur, saxaður
 3 hvítlauksrif, söxuð
 1 paprika, skorin í teninga
 2 tsk Oscar kjúklingakraftur
 200 g Philadelphia rjómaostur
 3 msk salsasósa
 1 1/2 tsk chilíduft
 1 1/2 tsk cayenne pipar
 svartur pipar
Meðlæti
 nachos
 sýrður rjómi
 rifinn ostur
 ferskt kóríander saxað
1

Skerið kjúklingabringurnar í bita og steikið á pönnu

2

Setjið 1 msk af smjöri og 1 msk af olíu á pönnu og steikið lauk og hvítlauk þar á þar til laukurinn hefur fengið gylltan lit.

3

Bætið þá papriku saman við og steikið áfram.

4

Setjið því næst tómat passata, tómata úr dós og kjúklingakraft saman við. Látið malla í nokkrar mínútur.

5

Bætið því næst rjómaosti, sýrðum rjóma, salsasósu saman við og smakkið til með chilídufti, cayenne og ríflegu magni af svörtum pipar. Látið malla við vægan hita í um 30 mínútur. Þynnið með vatni ef þörf er á.

6

Bætið að lokum kjúklingi saman við og hitið.

7

Hellið í skálar og berið fram með nachosflögum, sýrðum rjóma, kóríander og rifnum osti.