Þessi réttur er stútfullur af góðri næringu, áreynslulaus í gerð og slær alltaf í gegn.
Uppskrift
Hráefni
2 sætar kartöflur, skornar í litla teninga
100 g ferskt spínat
1 krukka fetaostur
3-4 kjúklingabringur, t.d. frá Rose Poultry
15 – 20 stk af Ritz kexi
1 krukka mangó chutney
Leiðbeiningar
1
Setjið kartöflurnar í eldfast mót. Látið spínatið þar yfir og fetaost ásamt olíu yfir það.
2
Skerið kjúklingabringurnar í bita og brúnið á pönnu, kryddið með kjúklingakryddi og bætið mangó chutney saman við. Hellið í ofnfasta mótið og myljið síðan kex yfir allt.
3
Látið réttinn inn í 200°c heitan ofn í um 20 mínútur. Eftir þann tíma setjið álpappír yfir og látið aftur inn í ofn í um 20-30 mínútur. Stingið í sætu kartöflurnar til að athuga hvort þær séu eldaðar í gegn. Ef ekki bætið þá aðeins við eldunartímann.
4
Berið fram með hrísgrjónum, góðu salati og hvítlauksbrauði.
Uppskrift frá Berglindi á GulurRauðurGrænn&Salt.
MatreiðslaKjúklingaréttir
Hráefni
2 sætar kartöflur, skornar í litla teninga
100 g ferskt spínat
1 krukka fetaostur
3-4 kjúklingabringur, t.d. frá Rose Poultry
15 – 20 stk af Ritz kexi
1 krukka mangó chutney
