Þessi pastaréttur er alveg ótrúlega fljótlegur og einfaldur. Hann er 100% vegan en meira að segja mestu kjötæturnar elska hann. Ég nota í hann vegan pylsur, nóg af grænmeti og sósan er gerð úr dásamlega Oatly smurostinum. Fullkominn hversdags en samt geggjaður í matarboð!
Skerið grænmetið
Sjóðið pasta samkvæmt leiðbeiningum á pakka
Hitið smá slettu af olíu á pönnu og steikið grænmetið. Það má alveg brúnast aðeins.
Setjið smurostana út á grænmetið ásamt kryddum, krafti, sojasósu og tómatpúrru, hrærið vel. Smakkið til með salti og pipar og eflaust fleiri kryddum ef þið viljið.
Setjið pastað út á pönnuna og veltið upp úr sósunni. Setjið pylsubitana út í síðast og veltið varlega saman við.