Þetta salat er ofureinfalt og fljótlegt. Virkilega bragðgott og fullkomið sem hádegisverður eða léttur kvöldverður. Það er svo innilega kærkomið að fá eitthvað ferskt eftir allan hátíðamatinn.
Byrjið á því að sjóða pastað samkvæmt leiðbeiningum.
Skerið kjúklinginn í bita. Hitið 1 tsk af kókosolíu á pönnu og brúnið kjúklinginn. Bætið 1/2 krukku af Red curry paste út á og steikið áfram í nokkrar mínútur. Slökkvið undir og kælið að mestu.
Skerið grænmeti og ber, ristið hnetur.
Hrærið saman innihaldinu í sósuna og setijð til hliðar.
Setjið salatið saman. Í stóra skál setti ég pastað fyrst, svo kjúkling, því næst papriku og ber og toppað með hnetunum. Sósuna má hafa til hliðar og hver og einn ræður magni.
Setjið hafrajógúrt í skál og hrærið þar til kekkjalaust.
Bætið við mango chutney og hrærið saman.
Geymið í kæli.