Lífrænt fíkjunammi

Saxið fíkjurnar í litla bita og fjarlægið harða endann. Setjið möndlurnar í matvinnsluvél eða öflugan blender og leyfið þeim að verða að kurli. Bætið svo smátt skornu fíkjunum, kakósmjöri, vanillu og möndlusmjörinu útí. Setjið bökunarpappí í botninn á litlu eldföstu móti eða kökuformi og þjappið fíkjublöndunni í formið og geymið til hliðar.

Útbúið súkkulaðið með því að hita hráefnin sem þarf í súkkulaðið í potti nema kínóapúffið. Hrærið stanslaust þar til allt hefur blandast og hitnað. Ath súkkulaðið skal ekki ná suðu.

Hellið súkkulaðinu yfir fíkjubotninn og stráið svo kínóapúffi yfir og látið kólna inní frysti.

Þegar súkkulaðið er storknað er fíkjunammið tilbúið og hægt að skera í litla ferninga og bera fram með kaffinu. Nammið geymist best í kæli.