Þessi stykki eru pökkuð af næringu og orku. Tilvalin til þess að grípa með sér í fjallgönguna eða jafnvel golfhringinn. Þau eru einföld í gerð og þarf ekki að baka.
Setjið hnetusmjör, hlynsíróp, kókosolíu og vanillukorn saman í pott og bræðið saman. Setjið síðan restina af innihaldsefnunum út í pottinn og blandið saman við. Ef blandan er of þunn getið þið bætt aðeins við af kókosmjöli t.d.
Setjið bökunarpappír í ílangt kökuform og þjappið blöndunni í formið. Kælið í að minnsta kosti 30 mín.
Bræðið súkkulaði og 1 tsk af kókosolíu saman. Takið formið út og dreifið súkkulaði yfir. Kælið aftur í nokkrar mín og skerið í lengjur.