Lamba shawarma veisla

2 kg úrbeinað lambalæri

500 ml vatn

Cous cous með rúsínum

1 ½ bolli cous cous

2 bollar heitt vatn

1 msk Oscar grænmetiskraftur

¾ bolli rúsínur

Setjið grænmetiskraft út í heitt vatnið og bætið cous cous og rúsínum saman við. Setjið lok yfir og geymið í 10 mínútur. Takið lokið af hrærið lauslega í cous cousin með gafli. Bætið saxaðri steinselju og myntu saman við. Smakkið til með sítrónusafa, sítrónuberki, salti pipar og ólífuolíu.

Shawarma mauk

2-3 msk safi úr ferskri sítrónu

3 hvítlauksrif, pressað

1 msk kóríander

1 msk cumin (ath ekki kúmen)

1 msk kardamommukrydd

½ - 1 tsk cayenne pipar

2 tsk reykt paprikukrydd

1 ½ tsk salt

½ tsk svartur pipar

65 ml extra virgin ólífuolía frá Filipo Berio

2-3 msk safi úr ferskri sítrónu

Hitið ofninn á 160 °c.

Látið 2 msk af sítrónusafa í skál og bætið síðan afganginn af hráefnum fyrir maukið saman við.

Setjið lambakjötið í ofnfast mót og nuddið maukinu vel inn í kjötið. Þetta er got að gera kvöldinu áður og leyfa því að marinerast yfir nótt. Ef þið hafið ekki tíma til þess sleppið þið því.

Látið fituhliðina á kjötinu snúa upp og hellið vatni í ofnfasta mótið.Setjið álpappír yfir kjötið og eldið í um 3 klst.

Takið af og til vökva úr mótinu og hellið yfir kjötið. Eftir 3 klst takið álpappírinn af. Kjötið ætti núna að vera orðið mjög mjúkt. Prufið að stinga í það með gaffli. Eldið í 30 mínútur til viðbótar. Takið úr mótinu og geymið vökvann. Kælið í 20 mínútur.

Rífið niður og veltið upp úr vökvanum. Berið fram með sítrónu cous cous og stráið steinselju og fræjum yfir allt.

Print Options:

Lamba shawarma veisla