Hvað er betra en Daim súkkulaði í smákökur? Þessar eru með þeim betri, mjúkar að innan og stökkar að utan. Daim súkkulaðið gerir kökurnar bæði ljúfar og krönsí. Ég hvet ykkur til að prófa þessar á aðventunni.
Hrærið saman í hrærivél smjör, púðursykur og sykur í nokkrar mínútur.
Bætið út í eggi og vanilludropum og hrærið saman.
Bætið hveiti, matarsóda, salti og hærið vel saman.
Blandið Daim kúlum saman við með skeið. Gott að kæla deigið í 30-60 mínútur.
Notið matskeið til að útbúa kúlur úr deiginu og notið hendurnar til að rúlla í kúlur.
Dreifið þeim á bökunarplötu þakta bökunarpappír og passið að hafa bil á milli þeirra.
Bakið í 8-10 mínútur við 180°C.
Skreytið með bræddu Milka súkkulaði og söxuðum Daim kúlum.
Njótið!
Fyrir hvað marga, hvað mörg stykki 20