Einfaldur réttur sem klikkar ekki.
Skerið kjötið niður í þunna strimla og setjið í skál. Ef kjötið er sett í frysti í smá stund er auðveldara að skera það þunnt.
Setjið vorlauk, 1/2 lauk, hvítlauksrif, peru, púðursykur, sojasósu og sesamolíu í blandara og maukið vel saman.
Skerið hinn helminginn af lauknum í þunnar sneiðar og setjið saman við kjötið. Hellið marineringunni saman við kjötið og blandið vel saman. Marinerið í kæli í 30 mínútur eða meira ef tími er til.
Hitið olíu á pönnu og þerrið strimlana. Steikið við háan hita.
Takið af pönnunni og stráið ristuðum sesamfræjum og vorlauk yfir. Berið fram með hrísgrjónum.