Print Options:








Kjúklingur í rjómaostasósu með sveppum & estragon

Magn1 skammtur

Ljúffengur helgarmatur sem er fullkominn með góðu rauðvíni. Það er auðvelt og þægilegt að útbúa réttinn og ég mæli með að þið prófið!

 600 g úrbeinuð kjúklingalæri
 1-2 msk smjör til steikingar
 1 lítill laukur, smátt skorinn
 8-10 sveppir, skornir í sneiðar
 2 dl rjómi
 ½ pakkning Philadelphia rjómaostur
 1 msk dijon sinnep
 3-4 tsk estragon
 1 tsk kjúklingakraftur frá Oscar
 Salt og pipar eftir smekk
 Tagliatelline frá De Cecco
1

Byrjið á því að steikja kjúklinginn upp úr smjöri og kryddið með salti og pipar. Steikið þangað til að hann er eldaður í gegn og takið til hliðar.

2

Steikið lauk og sveppi upp úr smjöri á sömu pönnu.

3

Bætið út í rjóma, rjómaosti, dijon sinnepi, estragoni, kjúklingakrafti, salti og pipar. Hrærið saman og látið malla í smá stund. Mæli með að smakka sósuna til.

4

Sjóðið tagliatelline eftir leiðbeiningum á pakkningu.

5

Blandið kjúklingnum saman við sósuna, berið fram með tagliatelline og njótið!

Nutrition Facts

Serving Size 3-4