Kjúklingalasagna-með-mozzarella-basiliku-og-tómötum-51
Kjúklingalasagna-með-mozzarella-basiliku-og-tómötum-51

Kjúklingalasagna með mozzarella, basiliku og tómötum

  

nóvember 20, 2015

Þetta lasagna slær í gegn á öllum heimilum.

Hráefni

1 lítill rauðlaukur, saxaður smátt

3 hvítlauksrif, söxuð smátt

900 g úrbeinuð kjúklingalæri eða kjúklingabringur frá Rose Poultry, skorin í litla bita

Falksalt með hvítlauk

svartur grófmalaður pipar

1 tsk þurrkuð basilika

1 tsk oregano

chili flögur (t.d chili explosion) eftir smekk

2 tsk kjúklingakraftur frá Oscars

smjör og/eða olía til steikingar – ég notaði Filippo Berio með basilikubragði

1 box Philadelphia ostur – natural (200 g)

1 dós Hunt’s pastasósa með hvítlauk og lauk (414 ml)

6-8 lasagnaplötur

2 1/2 dl rifinn parmesan

12 kirsuberjatómatar, skornir í tvennt

fersk basilika, ca 30 g

1 mozzarellaostur (125 g – kúlan í pokunum), skorinn í þunnar sneiðar

Leiðbeiningar

1Ofn hitaður í 200 gráður við undir- og yfirhita. Laukurinn er steiktur á pönnu þar til hann er mjúkur, þá er hvítlauknum bætt á pönnuna og hann steiktur með lauknum í smá stund. Því næst er kjúklingnum bætt á pönnuna, kryddað með salti, pipar, oregano, basilku og chili auk þess sem kjúklingakraftinum er bætt út í.

2Þegar kjúklingurinn hefur ná góðri steikingarhúð er rjómaostinum bætt út á pönnuna og hann látin bráðna við meðalhita. Þá er helmingnum af pastasósunni dreift á botninn á eldföstu móti. Því næst er sósan þakin með lasagnaplötum. Þá er helmingnum af kjúklingnum dreift yfir lasagnaplöturnar. Nú er helmingnum af parmesan ostinum dreift yfir kjúklinginn. Restinni af pastasósunni er því næst dreift yfir, þá einu lagi af lasagnaplötum, svo kjúklingnum. Því næst er basilikublöðunum dreift yfir ásamt kokteiltómötunum. Að lokum er restinni af parmesan ostinum dreift yfir og mozzarellasneiðunum raðað yfir.

3Gott er að krydda örlítið með basiliku kryddi í lokin. Hitað í ofni við 200 gráður í 20-30 mínútur eða þar til að lasagna er eldað í gegn og osturinn hefur tekið góðan lit. Borið fram með fersku salati og góðu brauði.

00:00

Aðrar spennandi uppskriftir

MG_436m7 (Medium)

Sweet chilli stir fry núðluréttur

Ekta matur sem er fullkomið að hafa í miðri viku.

Japanskt kjúllasalat

Japanskt kjúklingasalat með sætri chilísósu og stökkum núðlum

Eitt það allra besta sem þið hafið bragðað!

Kjúlli hvítlauks

Hvítlauks- og parmesan kjúklingur með litríku rótargrænmeti

Meinholl og staðgóð máltíð þegar við nennum ekki að elda.