Kjúklingalæri í rjómalagaðri ítalskri sósu með hrísgrjónum

Forhitið ofn í 180 °C með blæstri

Setjið kjúklingalæri í skál ásamt svolítilli olíu og kryddið með töfrakryddi. Látið marinerast í 30 mín.

Rífið parmesanost. Hrærið rjómaost, rjóma, kjúklingakraft, parmesanost, tómatpúrru og hvítlauksdufti saman í skál. Smakkið til með smá salti ef þarf.

Sneiðið tómata í tvennt. Raðið kjúklingalærum í eldfast mót og hellið rjómablöndunni yfir og meðfram kjúklingnum. Dreifið tómötum og fetaosti yfir og bakið í miðjum, ofni í 30 mín.

Setjið 180 ml af vatni í lítinn pott ásamt smá salti og náið upp suðu. Bætið hrísgrjónum út í pottinn og lækkið hitann í lága stillingu svo það rétt kraumi í pottinum. Látið malla undir loki í um 13 mín. Takið hrísgrjónin af hitanum og látið standa undir loki í um 10 mín.

Skerið melónu í bita og sneiðið rauðlauk eftir smekk. Setjið melónubita, rauðlauk og klettasalat í skál og blandið saman.

Saxið steinselju og stráið yfir réttinn þegar hann kemur úr ofninum.

Njótið með góðu hvítvínsglasi.