Skerið kjúklingabringurnar í tvennt. Hrærið saman CajP, AB mjólk, piri piri krydd og límónu. Hellið yfir kjúklinginn og marinerið í a.m.k. 1 klst. í kæli.

Skerið stóran rauðlauk í tvennt og setjið sárið niður í eldfast mót, stingið grillpinna í miðjan laukinn og látið standa upp í loft, þræðið allan kjúklinginn á grillpinna.

Skerið paprikurnar niður, veltið þeim upp úr hvítlauksolíu, setjið í eldfast mót með kjúklingnum og eldið í 60 til 80 mínútur á 150°C í miðjum ofni á blæstri, passið að ofninn sé heitur þegar þið setjið kjúklinginn inn.

Sneiðið kjúklinginn niður þunnt eins og kebab og berið fram í tortillakökum með majónesi. Gott er að kreista límónu yfir.