Karamellumarengs

    

desember 30, 2020

Það er fátt betra en púðursykurmarengs að mínu mati! Hvað þá þegar búið er að toppa slíka tertu með ljúffengri karamellu í allar áttir, namm þessi er sko B O B A eins og Bubbi myndi segja það!

Hráefni

Marengsbotnar uppskrift

5 eggjahvítur

220 g púðursykur

Karamella uppskrift

180 g Dumle karamellur (1 ½ poki)

70 ml rjómi

Fylling og skraut

600 ml þeyttur rjómi

130 g saxað Toblerone

Driscolls hindber og jarðarber

Blóm

Leiðbeiningar

Marengsbotnar uppskrift

1Hitið ofninn í 130°C.

2Þeytið eggjahvíturnar þar til þær fara aðeins að freyða.

3Bætið sykrinum saman við í nokkrum skömmtum og stífþeytið þar til topparnir halda sér.

4Teiknið tvo um 20 cm hringi í þvermál á sitthvorn bökunarpappírinn á bökunarplötu og dreifið úr marengsblöndunni.

5Bakið í 60 mínútur, slökkvið á ofninum og leyfið botnunum að kólna með ofninum.

Karamella uppskrift

1Bræðið saman í potti við meðalháan hita þar til karamellurnar hafa bráðnað.

2Setjið um helming karamellunnar á neðri marengsbotninn og leyfið henni að kólna áður en þið setjið rjómann yfir.

3Setjið síðan restina ofan á seinni botninn áður en þið toppið með rjóma, berjum og súkkulaði.

Fylling og skraut

1Blandið um 100 g af söxuðu Toblerone varlega saman við rjómann.

2Setjið um 2/3 blöndunnar á milli botnanna (yfir karamelluna).

3Setjið næsta botn ofan á, restina af karamellunni og um 1/3 sem eftir er af rjómanum.

4Toppið rjómann síðan með berjum, söxuðu Toblerone og blómum.

Uppskrift frá Berglindi á gotteri.is

00:00

Aðrar spennandi uppskriftir

OREO bollakökur

Æðislegar bollakökur með OREO smjörkremi.

OREO rjómaostakúlur

Ómótstæðilegar rjómaosta OREO kúlur með mjúku Milka súkkulaði. Aðeins 3 hráefni!

Vegan og sykurlaust „súkkulaði“ bananabrauð!

Dásamlegt Vegan og sykurlaust "súkkulaði" bananabrauð.