Það verður varla meira sætt enn þessir krúttlegu jarðarberja jólasveinar með rjómaostakremi.
Hrærið saman rjómaost, rjóma og flórsykri og setjið í sitthvorn sprautupokann einn með stórum stjörnustút og öðrum með litlum.
Bræðið þá 50 g dökkt súkkulaði og skerið neðan af stóru jarðarberjunum og dýfið ofan í. Notið súkkulaðið til að festa jarðarberið við oreo kexið og sama með bláberin tvo á fyrir sitthvorn fótinn. Leyfið að þorna í 2-3 mín en þá takið þið stærri sprautustútinn og sprautið skeggið, opnið lokið á jólajógúrtinni og náið í tvær súkkulaðikúlur fyrir augu og þessar ílöngu fyrir nef.
Takið þá annað jarðarber helst lítið og skerið neðan af því sem hatt, tyllið hattinum á, takið þá minni sprautustútinn og sprautið meðfram hattinum hans. Þá er kallinn klár.
Þetta er ótrúlega skemmtilegt og einfalt, kallarnir geymast vel í kæli en mæli með að þeir séu borðaðir samdægurs.