Print Options:








Hollar haframjölskökur

Magn1 skammtur

Hollar smákökur úr kókosolíu og haframjöl.

 70 gr gróft haframjöl (sett í blandara og maukað í duft)
 40 gr gróft haframjöl til viðbótar (ekki sett í blandara)
 15 gr venjulegt haframjöl frá Rapunzel
 1 tsk matarsódi
 1 ½ tsk kanill
 ½ tsk salt
 1 ½ tsk vanilludropar
 1 stórt egg
 4 msk púðursykur
 50 gr kókosolía (brædd og kæld örlítið) frá Rapunzel
 40 gr saxað 70% súkkulaði frá Toms
 Nokkrir súkkulaðidropar til skrauts (má sleppa)
1

Blandið saman haframjölsdufti, grófu og fínu haframjöli ásamt matarsóda, kanil og salti í eina skál.

2

Í aðra skál má blanda saman egginu, vanilludropunum, púðursykrinum og bræddu kókosolíunni.

3

Því næst má blanda hráefnunum úr báðum skálum saman með sleif og að lokum setja saxað súkkulaðið saman við.

4

Gott er að plasta skálina með blöndunni og kæla í 20-30 mínútur til þess að auðveldara sé að móta kúlur.

5

Hitið ofninn því næst í 175°C og klæðið bökunarplötu með bökunarpappír.

6

Rúllið í kúlur (kúfuð teskeið fyrir hverja) og raðið á plötuna (athugið að kökurnar leka út við bakstur svo varist að raða of þétt).

7

Setjið 1-2 súkkulaðidropa á hverja kúlu sé þess óskað og bakið í um 7-10 mínútur eða þar til kantarnir verða aðeins dekkri en miðjan.

8

Þessi uppskrift gefur um 16-18 kökur svo hana má auðveldlega tvöfalda.