Ostakökur eiga vel við, hvort sem það er sumar, vetur, vor eða haust. Það er hægt að útbúa ótal útfærslur af þeim og aðlaga þær að tilefni hverju sinni. Þar sem hátíðirnar nálgast er þessi hér sett í hátíðlegan búning með guðdómlegri piparmyntu-karamellusósu. Þessi ostakaka myndi sóma sér vel sem eftirréttur í hvaða hátíðarboði sem er á næstunni!
Myljið kexið niður í duft í blandara, setjið í skál og blandið smjörinu saman við.
Setjið um eina matskeið af kexmylsnu í botninn á hverri krús/glasi.
Þeytið rjómaost, sykur og vanillusykur saman í hrærivélinni þar til létt blanda hefur myndast.
Blandið þá þeytta rjómanum varlega saman við með sleikju.
Setjið í sprautupoka og skiptið niður í krúsirnar/glösin.
Kælið á meðan karamellan er útbúin.
Bræðið karamellur og rjóma saman í potti og leyfið að ná stofuhita.
Hellið smá sósu yfir hverja ostaköku, kælið og skreytið með ferskum berjum.
Jólalegt getur verið að strá smá flórsykri yfir í lokin en það er þá best að gera rétt áður en bera á kökuna fram.