Print Options:








Grilluð bleikja í lime Caj P með sætkartöflumús og salati

Magn1 skammtur

Æðisleg grilluð bleikja í lime Caj P með wasabi sætkartöflumús og salat með grænpipar Tabasco dressingu.

Grilluð bleikja með lime Caj P
 2 stk beinhreinsuð bleikju flök
 1 dl lime Caj P
 sjávarsalt
Sætkartöflumús með wasabi
 2 stk sætarkartöflur (litlar eða ein stór)
 100 gr Philadelphia rjómaostur
 1 tsk wasabi duft
 2 msk smjör
 salt og pipar eftir smekk
Grænpipar Tabasco dressing
 2 tsk grænpipar Tabasco
 2 tsk hunang
 2 msk sojasósa
 1 msk edik eða safi úr lime
 1 dl ólífuolía
Salat
 75 gr klettasalat
 1 stk mangó
 1/2 stk rauðlaukur
 1 stk granatepli
Grilluð bleikja með lime Caj P
1

Hreinsið og skolið bleikjuna, þerrið og setjið í fat.

2

Hellið Caj P yfir og veltið upp úr.

3

Látið liggja í amk 3 klst í kæli.

4

Hitið grill pönnu vel, byrjið á að grilla á roðinu í 2-3 mínútur og snúið við og eldið í 2-3 mínútur eftir þykkt á bleikjunni.

5

Saltið með góður sjávarsalti.

Sætkartöflumús með wasabi
6

Bakið sætu kartöflurnar í ofni við 180 gráður î klst.

7

Takið hýðið af sætukartöflunum og setjið kartöflurnar í pott ásamt rjómaosti og wasabi dufti .

8

Hrærið saman við vægan hita .

9

Bætið smjöri saman við og smakkið til með salti og pipar.

Grænpipar Tabasco dressing
10

Öllu pískað vel saman.

Salat
11

Saxað niður eftir hentugleika og dressingu bætt út á.