Einfaldar súkkulaðikökur eru bestar og það er enn betra ef uppskriftin af þeim er auðveld og fljótleg. Það er því miður ekki hlaupið að því að fá góðar glútenlausar kökur og hvað þá finna uppskriftir sem uppfylla öll skilyrðin: Einföld, fljótleg og ljúffeng! Hráefnunum í þessa er einfaldlega hent í skál, svo hrært í með písk og skellt í ofn. Kremið er líka álíka einfalt en ég notaði í það ekta súkkulaði en það má líka alveg setja smjörkrem eða glassúr. Ef þú eða þínir þurfið að forðast glúten þá er þetta uppskrift sem þið eigið eftir að geyma og baka aftur og aftur og aftur…
Uppskrift
Hráefni
Leiðbeiningar
Hitið ofninn í 175°C blástur. Smyrjið eitt 20 cm smelluform og setjið til hliðar.
Setjið sykur, glútenlaust mjöl, kakó, vínsteinslyftiduft, matarsóda og salt saman í skál og hrærið í með písk.
Bætið þá eggi, olíu, mjólk, sítrónusafa og vanilludropum saman við og hrærið þar til deigið er komið saman.
Hellið sjóðandi vatni út í deigið og hrærið þar til deigið er orðið samfellt.
Hellið deiginu í formið og setjið í ofninn. Bakið í 25-30 mín. Passið að baka hana ekki of lengi því þá er hætt við að hún verði þurr.
Útbúið kremið: Saxið súkkulaði og setjið það ásamt restinni af innihaldefnum í pott og bræðið saman. Blandið það vel saman með töfrasprota og skafið með sleikju í skál og látið kólna.
Látið kökuna kólna og smyrjið kreminu yfir allan botninn. Skreytið eftir smekk, ég notaði fersk jarðarber.
