Geggjaður burrito með marineraðri bleikju, fetaosti og grjónum

    

nóvember 9, 2020

Vefjur eða Burrito þurfa ekki alltaf að innihalda hakk eða kjúkling. Hér höfum við marineraða bleikju í sterkum kryddlegi sem gerir þennan Burrito svo góðan.

Hráefni

Marinering á Bleikjuna

1/2 dl sojasósa

1 dl Cai P olía Original

2 tsk chiliflögur

1 msk hunang

1 msk lime safi

Börkur af 1 lime

klípa af salti og svörtum pipar

Burritoin

1 pakki Mission Wraps vefjur með grillröndinni

3 bleikjuflök

1 poki spínat

1 askja Philadelphia með hvítlauk og jurtum

1 dós sýrður með habanero

1 krukka salsa sósa

Tabasco® sósa

1 dós maísbaunir

1 rauðlaukur

1 krukka fetaostur

1 stórt glas wholegrain Brown Basmati Tilda hrísrjón ósoðin

2 stór glös af vatni til að sjóða grjónin í

salt og pipar

2 avókadó

Leiðbeiningar

1Byrjið á að sjóða grjónin með því að nota 1 stórt glas af grjónum móti 2stórum glösum af vatni, sjóðið eftir leiðbeiningum og muna að salta vel

2Næst er að marinera bleikjuflökin

3Blandið öllu innihaldsefnum saman úr marineringunni og hrærið vel saman

4Gott er að hella henni svo í eldfast mót og setja flökin á hvolf ofan í

5Setjið plastfilmu yfir og leyfið að standa í minnst 30 mín, yfir nótt ef þið getið er alveg fullkomið

6Bakið svo bleikjuna í eldfasta mótinu með marineringunni í, í ofni á 190 C°blástur í 20 mín

7Takið hana svo úr ofninum og takið roðið af

8Skerið hana svo í bita og setjið til hliðar

9Gott er að vera búin að skera niður rauðlauk og avókadó meðan bleikjan er í ofninum og grjónin að sjóða

10Þegar grjónin eru til er gott að leyfa mesta hitanum að rjúka úr þeim með því að setja þau í stóra skál

11Bætið svo út í grjónin smátt skornum rauðlauk, maísbaununum og fetaostinum og hrærið vel saman

12Setjið næst vefjuna saman

Samsetning

1Takið vefju og smyrjið á hana alla vel af Philadelphia osti

2Raðið næst spínatblöðum yfir hana alla

3Setjið vel af hrísgrjónablöndunni á, svo bleikju og avókadó ofan á

4Setjið svo salsa sósu, sýrðan rjóma ogTabasco® yfir allt og rúllið upp

5Mér finnst rosa gott að hafa vefjuna ofan á álpappír og vefja hann svo utan um Burritoin og skera svo í miðju, þannig helst hann vel saman og fer ekki út um allt

Uppskrift frá Maríu hjá Paz.is

00:00

Aðrar spennandi uppskriftir

Ofnbökuð langa með krösti í rjómaostasósu

Í þessum rétti notaði ég löngu og bakaði hana í ofni ásamt dásamlegri rjómaostasósu með sólþurrkuðum tómötum, sveppum, parmesan osti, rjóma og spínati. Punkturinn yfir i-ið var að dreifa Eat real snakki með dill bragði yfir réttinn þannig að hann varð stökkur og góður.

Risarækjur með tómata- og pestósósu

Þessi réttur er virkilega fljótlegur (tekur ca 15 mín að útbúa) og það setja humarkraftinn útí sósuna færir sósuna á það stig að það yrði enginn ósáttur við að fá þennan rétt á veitingastað.

Tígrisrækjur í krönsi með avókadó dill sósu

Uppskrift að afar góðum tígrisrækjum í snakk krönsi sem eru bornar fram með avókadó sósu með dilli og sýrðum rjóma.