Frábærar fylltar kartöflur sem nýtast í máltíð eða sem meðlæti.
Setjið ögn af olíu og sáldrið grófu salti á kartöflurnar og nuddið hýðið vel. Pakkið þeim svo inn í álpappír og grillið í 45 mínútur á grillinu.
Saxið blaðlauk og steinselju og blandið öllu hráefni saman í skál.Þegar kartöflurnar eru klárar, skerið þá rauf í miðjuna á þeim, skafið kartöflukjötið innan úr hýðinu og hrærið saman með ostinum og öðru hráefni sem er upptalið hér að ofan.
Setjið fyllinguna aftur ofan í hýðið og berið fram.