Print Options:








Einföld appelsínukaka

Magn1 skammtur

Stundum þurfa góðar kökur bara alls ekki að vera flóknar né tímafrekar í gerð. Fólk er að koma í kaffi og þig langar kannski að vippa einhverju fram á mettíma? Þessi er án dýraafurða og hentar því vel þeim sem eru vegan eða óþol fyrir eggjum eða mjólk.

 160 g hveiti
 150 g sykur
 3/4 tsk matarsódi
 180 ml Oatly hafradrykkur með appelsínu og mangó
 60 ml bragðlítil jurtaolía
 1/2 msk eplaedik, má skipta út fyrir borðedik
 1 tsk vanilludropar
 1 msk rifinn appelsínubörkur, varist að raspa niður í hvíta hlutann af berkinum
 1 tsk appelsínudropar ef vill, má sleppa
Kremið:
 120 g flórsykur
 2 msk Oatly hafradrykkur með appelsínu og mangó
 Hrærið saman í skál og smyrjið á kökuna
1

Byrjið á því að hita ofninn í 180°C blástur

2

Setjið þurrefnin í skál og hrærið með písk

3

Blandið út í, Oatly appelsínudrykk, olíu, ediki, vanilludropum og appelsínuberki

4

Hrærið saman þar til deigið er orðið samfellt. Smyrjið kringlótt 22cm form og setjið deigið í.

5

Bakið í 20-25 mín, fer eftir ofnum en þegar prjónn kemur hreinn upp sem stungið er í hana er kakan tilbúin. Leyfið kökunni að kólna að mestu áður en kremið er sett á.