Einfaldir Oreo ostakökubitar uppskrift • Gerum daginn girnilegan

Einfaldir Oreo ostakökubitar

  

nóvember 11, 2015

Ótrúlega ljúffengir og fljótlegir Oreo ostakökubitar.

Hráefni

36 Oreo kexkökur, skipt niður

115 g smjör, skipt niður

4 pakkar Philadelphia rjómaostur

200 g sykur

1 sýrður rjómi

1 tsk vanilludropar

4 egg

200 g suðusúkkulaði

Leiðbeiningar

1Setjið álpappír í bökunarform á stærð við lasagnafat (eða notið hreinlega lasagnafat). Setjið 24 Oreokökur í matvinnsluvél og myljið niður, þó ekki of fínt (gott að láta vélina á pulse). Ef þið eigið ekki matvinnsluvél, setjið einfaldlega kökurnar í plastpoka, lokið pokanum og látið kökukefli eða hnefann dynja á kökunum (fínasta útrás).

2Bræðið helminginn af smjörinu og blandið saman við muldu Oreokökurnar. Setjið í botninn á bökunarforminu og þrýstið vel niður.

3Hrærið rjómaosti og sykri saman og bætið sýrða rjómanum og vanilludropum út í. Setjið egg út í, einu í einu þar til það hefur blandast vel saman.

4Takið afganginn af Oreokökunum og grófsaxið þær og bætið saman við rjómaostablönduna. Hellið þessu síðan yfir Oreo botninn.

5Setjið inn í 165°c heitan ofn í um 45 mínútur. Takið úr ofninum og leyfið að kólna í um 20 mínútur.

6Bræðið súkkulaðið og afganginn af smjörinu saman (ég nota örbylgjuofninn til þess) og dreifið yfir ostakökuna.

7Geymið kökuna í kæli í amk. 4 tíma þar til hún er borin fram. Skerið í bita og njótið vel.

Uppskrift frá GulurRauðurGrænn&Salt.

00:00