Dumle-súkkulaðifrauð með karamelliseruðum hnetum

  

nóvember 19, 2015

Truflaður eftirréttur með Dumle karamellum.

  • Fyrir: 4

Hráefni

1 poki Dumle karamellur (120 g)

3 dl rjómi

1 dl hnetur (t.d. heslihnetur og kasjúhnetur)

2 msk sykur

½ msk smjör

hindber til skreytingar

Leiðbeiningar

Dagur 1

1Hneturnar eru grófsaxaðar og settar á pönnu ásamt sykri og smjöri við meðalhita, hrært stöðugt í blöndunni. Þegar sykurinn hefur brúnast og hneturnar karamelliseras er þeim hellt á bökunarpappír og leyft að kólna. Þegar hneturnar eru orðnar kaldar eru þær muldar niður og geymdar í góðu íláti.

2Karamellurnar eru klipptar í smærri bita. Rjómi hitaður í potti og þegar hann er kominn nálægt suðu er karamellunum bætt út rjómann og hrært þar til þær hafa bráðnað. Rjómablöndunni er því næst hellt í skál og sett í kæli þar til blandan er orðin alveg köld, best er að geyma hana í kælinum yfir nóttu.

Dagur 2

1Rjómablandan er þeytt í hrærivél þar til að hún hefur náð æskilegum stífleika. Þá er blandan sett í rjómasprautu og sprautað í um það bil tíu lítil glös eða skálar. Karamelliseruðu hnetunum dreift ofan í hvert glas og skreytt með hindberjum. Það er í lagi að setja plastfilmu yfir glösin og geyma þau í kæli fram á næsta dag.

00:00

Aðrar spennandi uppskriftir

Jóla popp

Jólapopp með hvítu súkkulaði og piparkökum.

Konfekt marengstertu krans

Þessi konfekt marengsterta hentar fullkomlega á aðventunni.

SÚKKULAÐI “BROWNIES” MEÐ VANILLUSMJÖRKREMI

Súkkulaðikaka með vanillukremi.