Dumle karamellubollur

    

febrúar 1, 2021

Girnilegar Dumle karamellubollur með karamellurjóma.

  • Fyrir: 15-18

Hráefni

Vatnsdeigsbollur

180 g smjör

360 ml vatn

200 g hveiti

1 tsk. lyftiduft

¼ tsk. salt

3-4 egg (160 g)

Fylling

480 g Dumle karamellur (4 pokar)

600 ml rjómi

Karamellubráð og skraut

240 g Dumle karamellur (2 pokar)

6 msk. rjómi

1 poki Dumle Snacks

Leiðbeiningar

Vatnsdeigsbollur

1Hitið ofninn í 180°C.

2Hrærið saman hveiti, lyftidufti og salti í skál og geymið.

3Hitið saman vatn og smjör í potti þar til smjörið er bráðið og blandan vel heit og takið þá af hellunni.

4Hellið hveitiblöndunni saman við smjörblönduna og hrærið/vefjið saman við með sleif þar til allir kekkir eru horfnir og blandan losnar auðveldlega frá köntum pottsins.

5Flytjið blönduna yfir í hrærivélarskálina og hrærið á lægsta hraða með K-inu og leyfið hitanum þannig að rjúka aðeins úr blöndunni.

6Pískið eggin saman í skál og setjið þau saman við í litlum skömmtum og skafið niður á milli. Best er að vigta blönduna því egg eru misstór og nota aðeins 160 g henni til þess að deigið verði ekki of þunnt.

7Setjið bökunarpappír á ofnplötur og hver bolla má vera um 2 matskeiðar af deigi (ein vel kúpt matskeið).

8Bakið í 27-30 mínútur, bollurnar eiga að vera orðnar vel gylltar og botninn líka, ekki opna þó ofninn fyrr en í fyrsta lagi eftir 25 mínútur til að kíkja undir eina. Helstu mistök sem fólk gerir er að baka bollurnar ekki nógu lengi og þá geta þær fallið.

Fylling

1Bræðið saman karamellurnar og um helming rjómans.

2Þegar karamellurnar eru bráðnaðar má bæta restinni af rjómanum saman við og blanda vel saman, setja í lokað ílát og kæla yfir nótt (eða að minnsta kosti 3 klukkustundir).

3Næst má þeyta karamellurjómann þar til stífir toppar myndast og fylla bollurnar með honum.

Karamellubráð og skraut

1Bræðið karamellur og rjóma saman í potti þar til slétt karamellubráð myndast.

2Leyfið henni að ná stofuhita áður en þið hellið yfir bollurnar og skreytið með söxuðu Dumle Snacks og blómum.

Uppskrift frá Berglindi á Gotterí.

00:00

Aðrar spennandi uppskriftir

OREO bollakökur

Æðislegar bollakökur með OREO smjörkremi.

OREO rjómaostakúlur

Ómótstæðilegar rjómaosta OREO kúlur með mjúku Milka súkkulaði. Aðeins 3 hráefni!

Vegan og sykurlaust „súkkulaði“ bananabrauð!

Dásamlegt Vegan og sykurlaust "súkkulaði" bananabrauð.