Print Options:








Cappuchino kaka með silkimjúku kaffikremi

Magn1 skammtur

Þessi kaka er fullkomin fyrir alla kaffiunnendur. Bökuð í ílöngu formi eins og kryddbrauð en með silkimjúku smjörkremi og kakódufti. Dúnmjúk og bragðgóð með áberandi góðu kaffibragði. Döðlusírópið gefur kökunni mýkt og örlítið karamellubragð.

 170 g sykur
 240 g hveiti
 2 tsk matarsódi
 90 g smjör
 70 g döðlusíróp frá Rapunzel
 2 dl sterkt kaffi
 2 stór egg
 Kakóduft til þess að dusta yfir kökuna
Kaffikrem
 100 g mjúkt smjör
 1 bolli flórsykur
 Stofuheitt sterkt kaffi, magn eftir smekk.
1

Blandið þurrefnum saman í meðal stóra skál.

2

Bræðið smjör í litlum potti. Bætið sírópi og kaffi saman við og hrærið þar til samlagað.

3

Hellið smjörblöndunni saman við þurrefnin og að síðustu bætið við eggjunum og hrærið þar til samlagað.

4

Hitið ofninn í 175°C. Smyrjið ílangt kökuform miðlungsstórt eða klæðið að innan með bökunarpappír. Hellið deiginu í formið og bakið í 45 mín eða þar til prjóni sem stungið er í kökuna kemur hreinn út.

5

Kælið kökuna á grind. Útbúið kremið og smyrjið yfir kökuna. Dustið kakódufti yfir.

Kaffikrem
6

Setjið smjörið í skál og þeytið eins vel og hægt er.

7

Bætið flórsykri saman við og setjið 1 msk af kaffi í einu þar til ykkur finnst rétt áferð vera komin.

8

Áferðin getur orðið kornótt en haldið áfram að þeyta kremið.

9

Ég hef líklega sett um 50ml í allt.