Ristaðar bruschettur með hvítlauksrjómaosti frá Philadelphia. Ekta til þess að bera fram í matarboðum, saumaklúbbshittingum eða sem meðlæti með góðu pasta.

Uppskrift
Hráefni
1 baguette brauð, ég keypti súrdeigs
Philadelphia rjómaostur með hvítlauk
1 dl ólífuolía + 1 msk ólífuolía
3 hvítlauksrif
200-250 g kokteiltómatar
2 msk ferskt oregano, smátt skorið
2 msk fersk basilika, smátt skorið
Salt & pipar
Leiðbeiningar
1
Byrjið á því að skera baguette brauð í sneiðar. Leggið sneiðarnar á bökunarplötu þakta bökunarpappír.
2
Blandið saman 1 dl ólífuolíu og tveimur pressuðum hvítlauksrifjum saman í litla skál.
3
Penslið brauðið með hvítlauksolíunni.
4
Skerið tómatana í bita og blandið saman við 1 msk ólífuolíu, 1 pressað hvítlauksrif, oregano, basiliku, salti og pipar. Dreifið þeim í lítið eldfast mót.
5
Bakið brauðið og tómatana í ca. 10 mínútur við 190°C.
6
Smyrjið brauðsneiðarnar með rjómaostinum og dreifið tómötunum yfir. Gott að strá ferskum kryddjurtum yfir og njóta.
Uppskrift frá Hildi Rut á trendnet.is
Hráefni
1 baguette brauð, ég keypti súrdeigs
Philadelphia rjómaostur með hvítlauk
1 dl ólífuolía + 1 msk ólífuolía
3 hvítlauksrif
200-250 g kokteiltómatar
2 msk ferskt oregano, smátt skorið
2 msk fersk basilika, smátt skorið
Salt & pipar