Skerið tómatana í tvennt og látið í ofnfast mót, með sárið upp. Dreypið smá ólífuolíu yfir þá og saltið og piprið. Eldið í 15-20 mínútur við 190°c hita eða þar til þeir eru farnir að mýkjast.

Látið parmaskinku inn í ofn og eldið hana þar til hún er orðin stökk.

Skerið kjúklingabringurnar í tvennt þannig að þær verði þynnri. Setjið olíu á pönnu og steikið á báðum hliðum í 3-4 mínútur á hvorri hlið. Saltið og piprið.

Látið kjúklinginn í ofnfastmót. Skerið ostinn og látið yfir kjúklinginn. Setjið inn í ofn þar til kjúklingurinn er fulleldaður og osturinn bráðinn.

Látið klettasalat á disk, tómata og kjúkling. Setjið 2-3 msk af sweet chilí sósu yfir kjúklinginn og leggið stökka parmaskinkuna yfir allt.