Hver man ekki eftir þessum rétti síðan í barnæsku! Ég man eftir að hafa verið að gera þetta upp úr „Matreiðslubók mín og Mikka“ fyrir allmörgum árum síðan, tíhí!
Hitið ofninn í 180°C.
Skerið snittubrauðið í hæfilega þykkar sneiðar og raðið á bökunarpappír á bökunarplötu.
Setjið vel af bökuðum baunum á hverja sneið og síðan ríkulega af osti þar ofan á.
Bakið í ofninum í um 10 mínútur eða þar til osturinn er bráðinn og fer aðeins að gyllast.
Brauðið fer vel með beikoni, hrærðu eggi og jarðarberjum.